Оғози ҷаласаи солонаи ҳукумат

Субҳи 23-юми январ дар шаҳри Душанбе ҷаласаи солонаи ҳукумати Тоҷикистон оғоз шуд.

Дафтари матбуоти президент гуфт, дар ҷаласа аъзои ҳукумат, раисони шаҳру ноҳияҳо, ширкатҳои давлатӣ, бонкҳо ва дигар мақомдорон ширкат доранд.

Хабарнигорони расонаҳои мустақил ба маҷлиси солона даъват нашудаанд.

Дар назар аст, ки дар ин ҷаласа аз кори ҳукумат дар соли 2025 натиҷагирӣ шуда, нақшаву барномаҳо барои соли 2026 баррасӣ шаванд.

Дар гузашта дар ҷараёни маҷлиси солонаи ҳукумат баъзе тағйироти кадрӣ сурат гирифта буд.