Оташсӯзӣ дар тарабхонаи туркии "Chitir Usta" дар маркази Душанбе

Баъд аз зуҳри 11 октябр дар қаҳвахонаи туркии "Читир уста" воқеъ дар наздикии Театри опера ва балети шаҳри Душанбе, сӯхтор сар задааст.

Дар наворҳои видеоие, ки ба дасти Радиои Озодӣ расид, дида мешавад, ки кормандони хадамоти оташнишонӣ дар талоши хомӯш кардани сӯхтор ҳастанд.

Дар навор дида мешавад, ки кормандони тарабхона дар берун қарор доранд ва як нафар садо мезанад, ки "дар ошёнаи дувум одамҳо монданд".

Ҳанӯз маълум нест, ки оташсӯзӣ талафоте дар пай доштааст ё на.

Мақомот сабаби ин оташсӯзӣ ва ҳаҷми хисоротро эълон накардаанд.

Аз ин қабл, дар таърихи 12 октябри соли 2018 даромадгоҳи як биное, ки дар он тарабхонаи "Citir Usta" низ ҷойгир шудааст, оташ гирифта буд. Тарабхона баъди ин ҳодиса барои чанд муддат таътил шуд.