Таъйини даҳҳо додрасу раисони додгоҳҳо дар Тоҷикистон
Даҳҳо додрасу раисони додгоҳҳоро дар шаҳру ноҳияҳои Тоҷикистон дигар карданд.
Фармон дар ин бора рӯзи 4-уми март имзо шуд.
Сабаби тағйирот дар додгоҳҳо поёни ваколат, гузаштан ба кори дигар ва бознишастагӣ будааст.
Хадамоти матбуоти президенти Тоҷикистон навишт, ки 65 кас бори аввал ба мақоми додрас таъйин гардиданд.
Додрасҳо дар Тоҷикистон бо фармони президент таъйину барканор мешаванд ва танқидҳо зиёданд, ки зимни интихоби онҳо лаёқат ва донишҳо ба қадри кофӣ ба эътибор гирифта намешавад. Вебсайти президент рӯзи чоруми март онҳоро "кадрҳои ҷавону корозмуда" навишт.
Дар даҳ соли гузашта нисбат ба 107 нафар, аз ҷумла 45 додрас, муовинон ва раисони додгоҳҳои шаҳру ноҳияҳо, бо гумони ришвахорӣ, қаллобӣ ва фаро рафтан аз ваколат парвандаи ҷиноӣ боз шудааст.
Дар Тоҷикистон беш аз чорсад додрас кор мекунад.
Фармон дар ин бора рӯзи 4-уми март имзо шуд.
Сабаби тағйирот дар додгоҳҳо поёни ваколат, гузаштан ба кори дигар ва бознишастагӣ будааст.
Хадамоти матбуоти президенти Тоҷикистон навишт, ки 65 кас бори аввал ба мақоми додрас таъйин гардиданд.
Додрасҳо дар Тоҷикистон бо фармони президент таъйину барканор мешаванд ва танқидҳо зиёданд, ки зимни интихоби онҳо лаёқат ва донишҳо ба қадри кофӣ ба эътибор гирифта намешавад. Вебсайти президент рӯзи чоруми март онҳоро "кадрҳои ҷавону корозмуда" навишт.
Дар даҳ соли гузашта нисбат ба 107 нафар, аз ҷумла 45 додрас, муовинон ва раисони додгоҳҳои шаҳру ноҳияҳо, бо гумони ришвахорӣ, қаллобӣ ва фаро рафтан аз ваколат парвандаи ҷиноӣ боз шудааст.
Дар Тоҷикистон беш аз чорсад додрас кор мекунад.