FN krev uavhengig etterforsking av ICE-drap i Minneapolis

FN krev ei uavhengig etterforsking av hendinga i Minneapolis i USA, der ein ICE-agent skaut og drap Renee Good førre veke, skriv NTB.

– I samsvar med folkeretten er bevisst bruk av dødeleg makt berre tillate som ein siste utveg mot ein person som utgjer ein akutt trussel mot liv, seier talsperson Jeremy Laurence ved FN sitt menneskerettskontor.

Drapet har leia til demonstrasjonar mot ICE over heile USA. Fleire amerikanarar krev at ICE sine aksjonar tar slutt.