Svensk politi legg bort saka om masseskyting i Örebro

Politiet i Sverige har avslutta etterforskinga og legg bort saka i Örebro der Rickard Andersson skaut og drap ti personar ved ein skule, før han tok sitt eige liv.

– Avgjerda om å legge bort saka skjer som følge av at den einaste mistenkte gjerningsmannen er død, og saka vil difor ikkje kunne føre til tiltale, skriv etterforskingsleiar Henrik Dahlström i ei pressemelding.

Dei drepne var i alderen 28 til 68 år, og dei fleste av dei hadde utanlandsk bakgrunn.