Elv i Sveits opna igjen etter brekollaps

Lonza-elva i Sveits, som var blokkert av jord- og ismassar etter at delar av Birsch-breen kollapsa denne veka, renn som normalt igjen, melder styresmaktene.

Store delar av landsbyen Blatten blei heilt øydelagt. Det var lenge frykt for at fleire landsbyar nedover i dalen også skulle bli ramma.

No er elva opna igjen, og det er bygd flaumvern fleire stader i dalen.

Fleire av dei store isbreane i Alpane trekk seg tilbake på grunn av klimaendringar.

I 2022 og 2023 smelta isbreane i Sveits like mykje som dei gjorde i åra mellom 1960 og 1990.