Modalen sa klart nei til vindkraft

186 stemte nei, medan 78 stemte ja til planane om vindkraftutbygging.

Det er resultatet av den lokale, rådgjevande folkerøystinga i Modalen kommune i dag.

Det betyr at 70 prosent sa nei til det som etter planen kan bli Noregs største vindkraftanlegg.

Kommunestyret skal behandle saka 10. april.

Den vesle kommunen har 392 innbyggjarar. Alle over 16 år – totalt 307 personar – hadde stemmerett.

Spørsmålet innbyggjarane skulle ta stilling til, var: «Ynskjer du utbygging av Norsk Vind sitt vindkraftanlegg i Modalsfjella?»100 turbinar som er rundt 220 meter høge er planlagd plassert i eit 55 kvadratkilometer stort fjellområde i den vestlege delen av friluftsområdet Stølsheimen.

Utbygginga inneber også eit stort nett av nye vegar 800-1000 meter over havet.