Mann tiltalt for alvorlege forhold

Ein mann i 50-åra frå Sunnmøre er tiltalt for fleire alvorlege lovbrot.

Mannen er mellom anna tiltalt for seksuell omgang med dottera si over fleire år. Han er difor tiltalt både for seksuell omgang med eit barn under 14 år, for seksuell omgang med barn under 16 år og for å ha skaffa seg seksuell omgang ved å misbruke tillitsforholdet som han hadde som ein omsorgsperson for dottera si.

Mannen er også tiltalt for grov mishandling av sambuaren sin og barna deira. Ifølge tiltalen er mishandlinga særleg grov fordi den har vart over lang tid. Saka skal opp i retten i mai og det er sett av sju dagar til den.