Skal ikkje ha fått betalt alt etter bryllaupet

Eigaren av jordet der prinsesse Märtha Louise og Durek Verrett hadde sett opp eit bryllaupstelt då dei gifta seg i Geiranger, har enda ikkje fått full betaling for alt. Til Se og Hør seier gardseigar Jon Erlend Vinje at han framleis manglar å få betalt 50.000 kroner av ei totalrekning på 150.000 kroner.

Til VG opplyser Vinje at beløpet er sendt til inkasso etter fleire purringar.

Prinsesse Märtha Louise og Durek Verrett gifta seg i Geiranger 31. august i fjor.

Prinsessa sin manager opplyser til Se og Hør at dei har ei plikt til å gå gjennom fakturaane og passe på at dei er i samsvar med avtalane, og at dette i nokre tilfelle har tatt ekstra tid.