Kjempehopp av Riiber

Jarl Magnus Riiber hoppa 108 meter i helgas andre renn i Seefeld. Dermed går han ut i leiinga i langrennet som går seinare laurdag.

– Eg er veldig nøgd med hoppet, sa Riiber til FIS.

Sjølv om han hoppa klart lengst går han berre ut seks sekund framfor nestemann i langrennet. Om poenga hadde telt hadde Riiber hatt rundt eitt minutt leiing før langrennet, ifølgje Eurovision Sport. Men dette er ei såkalla kompaktøving.

Johannes Lamparter frå Austerrike går ut som nummer to.

Jens Lurås Oftebro er nest beste nordmann på 5.-plass etter hoppdelen.