TikTok stengd i USA

Videoplattforma TikTok er no stengt i USA, melder nyheitsbyrået AFP.

Kongressen har tidlegare vedtatt ei lov som pålegg det kinesiske morselskapet ByteDance å selje appen innan laurdag, om han ikkje skal bli forboden i USA.

Natt til søndag er appen utilgjengeleg for amerikanske brukarar, og ikkje mogleg å laste ned, melder Reuters.

TikTok har 170 millionar amerikanske brukarar.

Brukarar har fått opp ei melding om at dei dessverre ikkje kan bruke appen no. – President Trump har indikert at han vil jobbe med oss for å finne ei løysing slik at vi kan vere i drift igjen når han blir president, lyder meldinga vidare.

Det er uvisst kva Trump vil gjere for å få appen oppe å gå att.

– Eg kjem til å fatte ei avgjersle om TikTok i nær fremtid, men eg treng tid til å gå gjennom situasjonen, skreiv Trump i ei fråsegn tidlegare denne veka.