Tidlegare peruansk president død

Alberto Fujimori, som var president i Peru på 1990-talet, er død. Det opplyser dottera hans, som skriv på X at faren døydde etter lang tids kamp mot kreft.

Fujimori blei fødd i Japan, og vann overraskande valet som uavhengig kandidat i 1990. Han leia landet med jernhand fram til år 2000. Fujimori stod mellom anna bak ein militæroffensiv mot maoistgeriljaen Den lysande sti (Sendero luminoso), som i all hovudsak blei nedkjempa.

Etter presidentperioden blei han dømd for ei rekkje lovbrot, inkludert korrupsjon, medverknad til kidnapping og drap, samt menneskerettsbrot.