Jordas ressursar er brukte opp for i år

I dag blir verdas overforbruksdag markert, som er den dagen i året verda har brukt opp ressursane naturen sjølv klarer å gjenopprette på eit år.

Tidspunktet for dagen har ikkje endra seg stort dei siste 20 åra. I fjor var datoen 2. august.

Det er organisasjonen Global Footprint Network som står bak dagen.

Dei har også laga ei liste over kva land som har det høgaste forbruket i samband med dagen.

Qatar toppar lista, følgd av Luxembourg og Emiratane.

Noreg ligg på 25. plass. Om alle hadde levd som ein nordmann, ville overforbruksdatoen vore 12. april, ifølge organisasjonen.