Kritisk til flytting av eksamen: – Feiringa må innrettast etter eksamen, ikkje omvend

Utdanningsforbundet er kritiske til forslaget om å flytte skriftleg eksamen til før 17. mai.

– Avgangsfeiringa må innrettast etter opplæringa, og ikkje omvend. Derfor meiner vi at regjeringa bør lytte til dei som kjenner skuledagen best, når dei formar ut endringane, seier Thom Jambak, nestleiar i Utdanningsforbundet.

Det var på måndag at utdanningsminister Kari Nessa Nordtun (Ap) uttalte til Nettavisen at regjeringa har som mål å flytte eksamen frå 2026, for å unngå at eksamen og russefeiringa kolliderer.