Fire sikta for slaveri i Portugal

Politiet i Portugal har gripe fire personar mistenkte for å halde ein mann fanga under slaveliknande kår i 17 år, melder Reuters.

Offeret skal ha blitt utsett for fysiske og psykiske overgrep, og skal ha blitt leigd ut til andre personar for å utføre arbeid utan å få betalt.

Politiet har ikkje sagt noko om kva nasjonalitet offeret har.

Dei fire gripne er i alderen 37 til 44 år, og er sikta for slaveri, menneskehandel og forfalsking.