Mehl vil framskunde lovendringa om omvendt valdsalarm til før påske

Justisminister Emilie Enger Mehl seier på Debatten i kveld at regjeringa prøver å framskunde lovendringa om omvendt valdsalarm til før påske.

Endringa skulle eigentleg tre i kraft 1. juli i år. Det betyr at politiet slepp å gå gjennom domstolen for å innvilge omvendt valdsalarm til valdsutsette.

105 av 232 saker har domstolane innvilga omvendt valdsalarm sidan 2013, då ordninga blei innført.

Omvendt valdsalarm er ein alarm som valdsutøvaren må bere. Alarmen går av hos politiet når valdsutøvaren er i området vedkomande ikkje har løyve til å opphalde seg.