И новите градоначалници никој не ќе може да ги смени
Моќта на градоначалниците е голема, но според законите, не може никој да бара од нив политичка одговорност и да ги разреши пред истек на мандатот. Направени се измени во Законот за локална самоуправа со кои треба да се дозволи отповикување градоначалник на референдум, но уште не се усвоени во Собранието. И ако се усвојат, ќе важат од следните локални избори.
