Најмалку петмина ранети при вооружен напад во белградската населба Вишњичка бања

Најмалку пет лица беа ранети при вооружен напад во ресторан во белградската населба Вишњичка Бања на 30 септември.

Полицијата соопшти дека непознато лице отворило оган во ресторанот, при што ранило тројца мажи и две жени.

Итна помош во Белград соопшти дека едно лице е однесено во операциона сала во тешка состојба.

Истрагата е во тек и полицијата интензивно работи на разјаснување на сите околности и факти за инцидентот, а во сила е операцијата „Вихор 3“, соопшти Министерството за внатрешни работи.