Стотици илјади верници, државници, свештеници на погребот на папата Франциск

Стотици илјади верници се собраа во Рим, Ватикан и на плоштадот Свети Петар, да му оддадат почест на починатиот папа Франциск, на неговиот денешен погреб. Во Ватикан се претставници на над 100 држави, кардинали, верници, свештеници.

Папата Франциск, роден како Хорхе Марио Бергољо во Буенос Аирес, Аргентина, почина на Велики Понеделник, 21 април 2025 година, на 88-годишна возраст во неговата резиденција во Ватикан, Каса Санта Марта.