Протестен марш во Скопје со парола „Валкани пари- смртни последици“
„Ние сме гласот на Фросина, валкани пари- смртни последици“, гласи големиот црн транспарент со кој стотици граѓани на 16 февруари излегоа на протестен марш барајќи правда за загинатите во сообраќајни несреќи како и ригорозни казни за прекршителите на сообраќајните правила кои предизвикале смртни последици.
Граѓаните го започнаа протестот на скопскиот булевар „Партизански одреди“ каде што загина Фросина Кулакова, 22 годишна девојка која на 29 јануари, беше прегазена додека минувала на пешачки, од автомобилот на 20-годишниот возач, кој според официјалните информации, немал возачка дозвола, имал алкохол во себе и поминал на црвено.
Таткото на Фросина, Тодор Кулаков пред почетокот на протестот апелираше до демонстрантите да учествуваат во мирен марш.
„Станува збор за исклучително племенито девојче и во нејзина чест ве молам ова да биде мирен протестен марш“, изјави Кулаков.
Семејството на Фросина го предводи протестиниот марш, и во првите редови до нив се родители и семејства на жртви во сообраќајни несреќи кои бараат правда за своите најблиски. Меѓу демонстрантите има и луѓе со транспаренти кои бараат правда и за загинатите во сообраќајната несреќа кај селото Ласкарци.
Дел од пораките на демонстрантите се и „кој ќе биде следен“ алудирајќи на благата казнена политика и системските пропусти поради кои прекршителите на тешките сообраќајни несреќи поминуваат „лесно“.
Демонстрантите со транспаренти во рака на кои пишуваше „Сакаме правда за жртвите“,„ Правда за Теодора“, „Правда за Викторија“ и повикуваа по скопските улици да им се приклучат случајните минувачи.
Протестот се оддржуваше под силно полициско обезбедување. Демонстантите порачаа дека бараат правда и дека нема оправдување за судските одлуки со кои, како што велат, судиите ги пуштаат на слобода „бесните и пијани возачи “.
Според најавите денешниот протест започна од пред Универзална сала во од каде демонстрантите се упатија кон Владата. Во повикот за протест кој што го објави сестрата на Фросина, Росица е наведено дека „ова е граѓански протест, протест на народот, протест на тагата, на револтот и на желбата да се остане тука“.
„Ние како семејство јавно се заблагодаривме и сме благодарни на досегашната поддршка од Владата. Не протестираме против Владата, напротив, бараме да продолжи да не поддржува и нас како семејство, но исто така бараме да ја поддржи и иницијативата “Кој е следен” и да ги сослуша барањата што ќе произлезат од протестите. Истото го бараме не само од власта туку и од опозицијата!“, се вели во повикот за денешниот протест.
По Владата, следната дестинација на протестниот марш ќе биде Собранието и Апелациониот суд.
Демонстрантите од праниците бараат се вклучат во промената на законите и Парламентот активно да контролира како тие закони се спроведуваат.
Од судиите во Апелациониот суд, демонстраните бараат да престанат да ги бранат, како што велат нечесните меѓу нив, затоа што веруваат дека не се сите судии и обвинители исти.
Најмалку три жртви за десет години на „Партизанска“
Сообраќајката во која беше прегазена Фросина Кулакова не е прва која предизвикува бурни реакции и гнев кај граѓаните за дивеењето по улиците. Само на истиот булевар, „Партизански одреди“, изминатите години згаснаа неколку млади животи.
Во 2015 беше прегазена студентката Фросина Цековска од 26-годишен возач возач кој исто така беше под дејство на алкохол и со брзина поголема од дозволената.
24-годишната Викторија Николова од Радовиш во јануари 2022 година, беше прегазена на истиот булевар, но кај трговскиот центар Сити мол. 22-годишниот возач, според Обвинителството, тогаш возел со поголема брзина од дозволената.
Граѓаните го започнаа протестот на скопскиот булевар „Партизански одреди“ каде што загина Фросина Кулакова, 22 годишна девојка која на 29 јануари, беше прегазена додека минувала на пешачки, од автомобилот на 20-годишниот возач, кој според официјалните информации, немал возачка дозвола, имал алкохол во себе и поминал на црвено.
Таткото на Фросина, Тодор Кулаков пред почетокот на протестот апелираше до демонстрантите да учествуваат во мирен марш.
„Станува збор за исклучително племенито девојче и во нејзина чест ве молам ова да биде мирен протестен марш“, изјави Кулаков.
Семејството на Фросина го предводи протестиниот марш, и во првите редови до нив се родители и семејства на жртви во сообраќајни несреќи кои бараат правда за своите најблиски. Меѓу демонстрантите има и луѓе со транспаренти кои бараат правда и за загинатите во сообраќајната несреќа кај селото Ласкарци.
Дел од пораките на демонстрантите се и „кој ќе биде следен“ алудирајќи на благата казнена политика и системските пропусти поради кои прекршителите на тешките сообраќајни несреќи поминуваат „лесно“.
Демонстрантите со транспаренти во рака на кои пишуваше „Сакаме правда за жртвите“,„ Правда за Теодора“, „Правда за Викторија“ и повикуваа по скопските улици да им се приклучат случајните минувачи.
Протестот се оддржуваше под силно полициско обезбедување. Демонстантите порачаа дека бараат правда и дека нема оправдување за судските одлуки со кои, како што велат, судиите ги пуштаат на слобода „бесните и пијани возачи “.
Според најавите денешниот протест започна од пред Универзална сала во од каде демонстрантите се упатија кон Владата. Во повикот за протест кој што го објави сестрата на Фросина, Росица е наведено дека „ова е граѓански протест, протест на народот, протест на тагата, на револтот и на желбата да се остане тука“.
„Ние како семејство јавно се заблагодаривме и сме благодарни на досегашната поддршка од Владата. Не протестираме против Владата, напротив, бараме да продолжи да не поддржува и нас како семејство, но исто така бараме да ја поддржи и иницијативата “Кој е следен” и да ги сослуша барањата што ќе произлезат од протестите. Истото го бараме не само од власта туку и од опозицијата!“, се вели во повикот за денешниот протест.
По Владата, следната дестинација на протестниот марш ќе биде Собранието и Апелациониот суд.
Демонстрантите од праниците бараат се вклучат во промената на законите и Парламентот активно да контролира како тие закони се спроведуваат.
Од судиите во Апелациониот суд, демонстраните бараат да престанат да ги бранат, како што велат нечесните меѓу нив, затоа што веруваат дека не се сите судии и обвинители исти.
Најмалку три жртви за десет години на „Партизанска“
Сообраќајката во која беше прегазена Фросина Кулакова не е прва која предизвикува бурни реакции и гнев кај граѓаните за дивеењето по улиците. Само на истиот булевар, „Партизански одреди“, изминатите години згаснаа неколку млади животи.
Во 2015 беше прегазена студентката Фросина Цековска од 26-годишен возач возач кој исто така беше под дејство на алкохол и со брзина поголема од дозволената.
24-годишната Викторија Николова од Радовиш во јануари 2022 година, беше прегазена на истиот булевар, но кај трговскиот центар Сити мол. 22-годишниот возач, според Обвинителството, тогаш возел со поголема брзина од дозволената.