Дамева: Оставка се поднесува само ако има оправдани причини
Весна Дамева и Тања Чачарова-Илиевска, членови на Судскиот совет, за кои владејачкото мнозинство поднесе интерпелации со Собранието изјавија дека ги анализираат документите и дека ќе го соопштат својот став во јавноста.
„Интерпелацијата поднесена во Собранието ја добив доцна во текот на вчерашниот ден и во фаза сум на анализирање на причините и генерално на нејзината содржина. Кога ќе го изградам својот став ќе ѝ биде соопштено на јавноста, нема да остане јавноста без одговори, односно без мое произнесување“, изјави членот на Судскиот совет Весна Дамева по поднесените интерпелации во законодавниот дом од страна на пратеничките групи на владејачката коалиција за пет членови на Судскиот совет.
Според Дамева, оставка се поднесува само доколку постојат оправдани причини, нагласувајќи дека сепак тоа е личен чин.
„Оставката е личен чин и се поднесува оставка доколку постојат оправдани причини за истото. Останувам отворена за тоа кои ќе бидат идните чекори и од моја страна и од страна на Собранието“, рече Дамева.
Членот на Советот Тања Чачарова-Илиевска, за која исто така беше поднесена интерпелација во законодавниот дом, посочи дека одговорноста мора да биде индивидуална и покрај тоа што Советот е колективно тело.
„Ја прочитав интерпелацијата, но имав обврски и немав можност да ја разгледам добро. Она што ми падна во очи е дека се однесува на членот на Судскиот совет Тања Чачарова Илиевска, а се зборува за колективна одговорност. Во моите излагања во многу наврати сум зборувала дека одговорноста мора да биде индивидуална и покрај тоа што Советот е колективно тело. Ние сите гласаме со својот глас и во зависност од секој глас одредена одлука се носи според мнозинството гласови. Треба навистина добро да изанализирам и ќе дадам свој став во рокот предвиден во Деловникот на Собранието“, рече Чачарова-Илиевска.
Претседателот на Собранието, Африм Гаши, официјално ги извести членовите на Судскиот совет, Весна Дамева, Тања Чачарова-Илиевска, Милазим Мустафа, Павлина Црвенковска и Селим Адеми, дека е побарана интерпелација за нив.
Петтемината за членови на Судскиот совет беа избрани во Собранието.
„Интерпелацијата поднесена во Собранието ја добив доцна во текот на вчерашниот ден и во фаза сум на анализирање на причините и генерално на нејзината содржина. Кога ќе го изградам својот став ќе ѝ биде соопштено на јавноста, нема да остане јавноста без одговори, односно без мое произнесување“, изјави членот на Судскиот совет Весна Дамева по поднесените интерпелации во законодавниот дом од страна на пратеничките групи на владејачката коалиција за пет членови на Судскиот совет.
Според Дамева, оставка се поднесува само доколку постојат оправдани причини, нагласувајќи дека сепак тоа е личен чин.
„Оставката е личен чин и се поднесува оставка доколку постојат оправдани причини за истото. Останувам отворена за тоа кои ќе бидат идните чекори и од моја страна и од страна на Собранието“, рече Дамева.
Членот на Советот Тања Чачарова-Илиевска, за која исто така беше поднесена интерпелација во законодавниот дом, посочи дека одговорноста мора да биде индивидуална и покрај тоа што Советот е колективно тело.
„Ја прочитав интерпелацијата, но имав обврски и немав можност да ја разгледам добро. Она што ми падна во очи е дека се однесува на членот на Судскиот совет Тања Чачарова Илиевска, а се зборува за колективна одговорност. Во моите излагања во многу наврати сум зборувала дека одговорноста мора да биде индивидуална и покрај тоа што Советот е колективно тело. Ние сите гласаме со својот глас и во зависност од секој глас одредена одлука се носи според мнозинството гласови. Треба навистина добро да изанализирам и ќе дадам свој став во рокот предвиден во Деловникот на Собранието“, рече Чачарова-Илиевска.
Претседателот на Собранието, Африм Гаши, официјално ги извести членовите на Судскиот совет, Весна Дамева, Тања Чачарова-Илиевска, Милазим Мустафа, Павлина Црвенковска и Селим Адеми, дека е побарана интерпелација за нив.
Петтемината за членови на Судскиот совет беа избрани во Собранието.