Српската Национална конвенција за ЕУ го повика Брисел да не ги игнорира граѓаните
Националната конвенција за Европската унија на Србија на 4 февруари во отворено писмо до претседателката на Европската комисија, Урсула фон дер Лајен, истакна дека протестите на студентите и граѓаните не претставуваат обид за „насилна промена на владата" или „обоена револуција" и дека „ЕУ не треба да ја сврти главата од граѓаните на Србија".
„Имајќи ги предвид досегашните реакции од Владата на Република Србија, како и од Европската Унија, на ова масовно општествено движење, ние би сакале да истакнеме дека овие протести не претставуваат обид за „насилна промена на владата" или "обоена револуција", ниту пак се последица на руското влијание и мешање во внатрешните работи во Србија", се вели во писмото до Урсула фон дер Лајен.
Националната конвенција за Европската Унија (НКЕУ) е група на невладини организации кои го следат процесот на европска интеграција на Србија.
Во писмото на Националната конвенција, исто така, се наведува дека „широкиот општествен протест во Србија е реакција на системските проблеми кои се констатираат со години во извештаите на Националната конвенција, како и во годишните извештаи на Европската комисија, а особено се однесуваат на колапсот на владеењето на правото, системската корупција, како и политичкото влијание врз судството".
„Протестните барања формулирани на овој начин јасно покажуваат дека сегашниот процес на пристапување на Србија кон Европската Унија не доведе до решавање на основните проблеми со кои се соочува Србија како земја кандидат", се вели во отвореното писмо.
Несреќата на железничката станица во Нови Сад на 1 ноември, кога 15 лица загинаа при пад на реконструираната бетонска настрешница, предизвика бран протести низ цела Србија. Во изминатите два месеца, протестите беа предводени од студентите барајќи кривична и политичка одговорност од властите за катастрофата. Ним им се придружија и ученици од средните училишта низ земјата.
Владата предводена од српскиот претседател Александар Вучиќ тврди дека барањата на студентите се исполнети. Студентите пак, сметаат дека тие не се исполнети и изјавија дека ги продолжуваат своите протести.
Европската унија ниту еднаш не се изјасни дали ги поддржува барањата на српските студенти, кои протестираат веќе три месеци. Официјалните лица на ЕУ досега се огласија единствено по бројните прашања на новинарите за ситуацијата во Србија, а реакциите главно се однесуваа на демократското право на мирни протести.
„Имајќи ги предвид досегашните реакции од Владата на Република Србија, како и од Европската Унија, на ова масовно општествено движење, ние би сакале да истакнеме дека овие протести не претставуваат обид за „насилна промена на владата" или "обоена револуција", ниту пак се последица на руското влијание и мешање во внатрешните работи во Србија", се вели во писмото до Урсула фон дер Лајен.
Националната конвенција за Европската Унија (НКЕУ) е група на невладини организации кои го следат процесот на европска интеграција на Србија.
Во писмото на Националната конвенција, исто така, се наведува дека „широкиот општествен протест во Србија е реакција на системските проблеми кои се констатираат со години во извештаите на Националната конвенција, како и во годишните извештаи на Европската комисија, а особено се однесуваат на колапсот на владеењето на правото, системската корупција, како и политичкото влијание врз судството".
„Протестните барања формулирани на овој начин јасно покажуваат дека сегашниот процес на пристапување на Србија кон Европската Унија не доведе до решавање на основните проблеми со кои се соочува Србија како земја кандидат", се вели во отвореното писмо.
Несреќата на железничката станица во Нови Сад на 1 ноември, кога 15 лица загинаа при пад на реконструираната бетонска настрешница, предизвика бран протести низ цела Србија. Во изминатите два месеца, протестите беа предводени од студентите барајќи кривична и политичка одговорност од властите за катастрофата. Ним им се придружија и ученици од средните училишта низ земјата.
Владата предводена од српскиот претседател Александар Вучиќ тврди дека барањата на студентите се исполнети. Студентите пак, сметаат дека тие не се исполнети и изјавија дека ги продолжуваат своите протести.
Европската унија ниту еднаш не се изјасни дали ги поддржува барањата на српските студенти, кои протестираат веќе три месеци. Официјалните лица на ЕУ досега се огласија единствено по бројните прашања на новинарите за ситуацијата во Србија, а реакциите главно се однесуваа на демократското право на мирни протести.