Домот на народите на БиХ усвои два европски закони

Домот на народите на Босна и Херцеговина ги усвои законите за гранична контрола и за заштита на личните податоци на Босна и Херцеговина (БиХ), два правни акти суштински за добивање датум за отворање на преговорите на БиХ со Европската унија (ЕУ).


Лидерите на државите и владите на Европската унија го одобрија отворањето на пристапните преговори со БиХ на самитот во Брисел во март минатата година.



Според тогаш усвоените заклучоци, Европската комисија треба да подготви рамка за преговори кога ќе бидат исполнети сите критериуми споменати во 2022 година.



Босна и Херцеговина има статус на кандидат за полноправно членство од декември 2022 година.




Во мислењето на Европската комисија се дефинирани 14 приоритети поделени во четири области, кои БиХ треба да ги исполни за да ги почне преговорите за членство. Унијата и натаму инсистира на овие 14 приоритети пред официјално да почнат преговорите.



Во средината на октомври 2024 година, ЕУ ги одобри реформските агенди за пет земји од Западен Балкан, со што тие ќе имаат право да добијат финансиски средства од Европскиот план за раст за регионот.



Единствено Босна и Херцеговина не доби „зелено светло“, бидејќи не поднесе целосна реформска агенда до Брисел.