Претреси во домовите на Артан Груби и Перпарим Бајрами
Полициски службеници изутрината на 16 декември вршеле претреси во домовите на поранешниот вицепремиер Артан Груби и екс директорот на Државна лотарија, Перпарим Бајрами.
Според информациите на Радио Слободна Европа, полицијата во координација со јавен обвинител и судија на претходна постапка врши претреси на девет локации, а акцијата се oднесува за набавката на Државна лотарија на ВЛТ апарати вредни над 10 милиони евра.
На две адреси бил баран Артан Груби, на две Перпарим Бајрами, додека на пет други адреси биле барани членови на Комисијата за јавни набавки при Државната лотарија. Груби и Бајрами не биле на локациите кои ги посетила полицијата.
Вчера, Груби, кој од неодамна заврши на црната листа на САД, на Фејсбук напиша дека е во приватна посета на Косово.
Од Обвинителството и МВР најавија повеќе детали за акцијата во текот на денот.
Во меѓувреме, американската амбасадорка во земјава, Анџела Агелер во интервју за Слободен печат вели дека воопшто не била изненадена од неодамнешната одлука Артан Груби да биде ставен на црната листа на Соединетите Држави. Напротив, амбасадорката вели дека е многу задоволна од одлуката.
„Една од работите што е факт е кога САД објавиле назначување на некој поединец, а истото важи и за судијата Беџети, никој не вели, боже, не ми се верува. Сите знаат во оваа држава кој е корумпиран. И јас, и вие знаете, искрено, дека ова е нешто за кое тесно соработувавме со Вашингтон за да го обработиме. Поминаа многу, многу месеци. Така што воопшто не бев изненадена. Бев многу задоволна. Бев многу задоволна и што Вашингтон можеше да го објави соопштението на Меѓународниот ден за борба против корупцијата, на 9 декември. Значи, не бев изненадена. Бев задоволна“, изјави Агелер во интервју за Слободен печат.
На брифинг со обвинителите минатата недела, беше кажано дека различни обвинители постапуваат по три известувања добиени од Финансиската полиција и МВР поврзани со сомнежи за криминал во Државната лотарија. Како што беше соопштено на брифингот, оформени се неколку предмети поврзани за кои беше посочено дека има огромна документација.
Изминатата година, РСЕ објави серија на истражувања поврзани со работата на Државната лотарија, а во кои се испреплетуваа имињата на Артан Груби и Перпарим Бајрами.
Еден дел од истражувањата се однесуваше на сомнителните тендери во Државна лотарија кои ги добиваа фирми на блиски и роднини на сопственикот на „Арбериа Десигн“, кој во минатото беше донатор на политичката партија ДУИ.
Вториот дел од истражувањата се однесуваше на договорот за закуп тежок 2,6 милиони евра кој Државната лотарија го склучи со фирмата „Хеј ДООЕЛ“.
Истражувањата покажаа дека вработен во тогашното министерство за политички систем на Артан Груби од ДУИ, беше член на Управен обор во Државна лотарија и сопственик на сајтот на фирмата која го изнајмува просторот.
Прв сопственик на оваа фирма беше Армин Машовиќ, поранешен бизнис партнер на Ерџан Сулкоски, кој пак беше ортак со зетот за ќерка на лидерот на ДУИ, Куштрим Смајлај. Како прв управител на „Хеј ДООЕЛ“, беше заведена Натура Груби Бела, братучетка на тогашниот вицепремиер Артан Груби, а братот на нејзиниот сопруг беше дел од обезбедувањето на поранешниот министер за политички систем и односи меѓу заедниците.
Подоцна, со промените во управувачката структура, Машовиќ стана управител на „Хеј ДООЕЛ“, а сопственоста на компанијата ја презеде Асмир Јахоски, газдата на „Пуцко Петрол“ и син на поранешниот градоначалник на општина Пласница и актуелен пратеник од редовите на ДУИ.
До август 2024 година, за 13 месеци, Државната лотарија му исплатила на Пуцко Петрол над 300 000 евра за закуп на деловниот простор.
Премиерот Христијан Мицкоски на 18 септември рече дека тој договор за закуп е основа за покренување на кривична постапка и кривична одговорност за надлежните органи.
Според информациите на Радио Слободна Европа, полицијата во координација со јавен обвинител и судија на претходна постапка врши претреси на девет локации, а акцијата се oднесува за набавката на Државна лотарија на ВЛТ апарати вредни над 10 милиони евра.
На две адреси бил баран Артан Груби, на две Перпарим Бајрами, додека на пет други адреси биле барани членови на Комисијата за јавни набавки при Државната лотарија. Груби и Бајрами не биле на локациите кои ги посетила полицијата.
Вчера, Груби, кој од неодамна заврши на црната листа на САД, на Фејсбук напиша дека е во приватна посета на Косово.
Од Обвинителството и МВР најавија повеќе детали за акцијата во текот на денот.
Во меѓувреме, американската амбасадорка во земјава, Анџела Агелер во интервју за Слободен печат вели дека воопшто не била изненадена од неодамнешната одлука Артан Груби да биде ставен на црната листа на Соединетите Држави. Напротив, амбасадорката вели дека е многу задоволна од одлуката.
„Една од работите што е факт е кога САД објавиле назначување на некој поединец, а истото важи и за судијата Беџети, никој не вели, боже, не ми се верува. Сите знаат во оваа држава кој е корумпиран. И јас, и вие знаете, искрено, дека ова е нешто за кое тесно соработувавме со Вашингтон за да го обработиме. Поминаа многу, многу месеци. Така што воопшто не бев изненадена. Бев многу задоволна. Бев многу задоволна и што Вашингтон можеше да го објави соопштението на Меѓународниот ден за борба против корупцијата, на 9 декември. Значи, не бев изненадена. Бев задоволна“, изјави Агелер во интервју за Слободен печат.
На брифинг со обвинителите минатата недела, беше кажано дека различни обвинители постапуваат по три известувања добиени од Финансиската полиција и МВР поврзани со сомнежи за криминал во Државната лотарија. Како што беше соопштено на брифингот, оформени се неколку предмети поврзани за кои беше посочено дека има огромна документација.
Изминатата година, РСЕ објави серија на истражувања поврзани со работата на Државната лотарија, а во кои се испреплетуваа имињата на Артан Груби и Перпарим Бајрами.
Еден дел од истражувањата се однесуваше на сомнителните тендери во Државна лотарија кои ги добиваа фирми на блиски и роднини на сопственикот на „Арбериа Десигн“, кој во минатото беше донатор на политичката партија ДУИ.
Вториот дел од истражувањата се однесуваше на договорот за закуп тежок 2,6 милиони евра кој Државната лотарија го склучи со фирмата „Хеј ДООЕЛ“.
Истражувањата покажаа дека вработен во тогашното министерство за политички систем на Артан Груби од ДУИ, беше член на Управен обор во Државна лотарија и сопственик на сајтот на фирмата која го изнајмува просторот.
Прв сопственик на оваа фирма беше Армин Машовиќ, поранешен бизнис партнер на Ерџан Сулкоски, кој пак беше ортак со зетот за ќерка на лидерот на ДУИ, Куштрим Смајлај. Како прв управител на „Хеј ДООЕЛ“, беше заведена Натура Груби Бела, братучетка на тогашниот вицепремиер Артан Груби, а братот на нејзиниот сопруг беше дел од обезбедувањето на поранешниот министер за политички систем и односи меѓу заедниците.
Подоцна, со промените во управувачката структура, Машовиќ стана управител на „Хеј ДООЕЛ“, а сопственоста на компанијата ја презеде Асмир Јахоски, газдата на „Пуцко Петрол“ и син на поранешниот градоначалник на општина Пласница и актуелен пратеник од редовите на ДУИ.
До август 2024 година, за 13 месеци, Државната лотарија му исплатила на Пуцко Петрол над 300 000 евра за закуп на деловниот простор.
Премиерот Христијан Мицкоски на 18 септември рече дека тој договор за закуп е основа за покренување на кривична постапка и кривична одговорност за надлежните органи.