Путин: Руската економија излезе од рецесија

Путин истакна дека руската економија дефинитивно излегла од рецесија. „Ние растеме, набрзо ќе биде четвртиот квартал по ред“, изјави тој, пренесува „Взгљад“.

На руската економија ѝ треба рецепт за пораст

Според него, веќе речиси и да не се гледаат неповолни тенденции во однос на растот на економијата на земјата, поврзани со санкциите и ограничувањата.

„Мислам дека за 2017 година ќе имаме два проценти раст. Притоа кај нас невработеноста е на ниско ниво, растат резервите на Централната банка и владата, за 40% се зголемија буџетските приходи и сето тоа при доволно ниска инфлација - 4,4%. Сето тоа заедно, несомнено, не може да не влева оптимизам“, изјави Путин.

Истовремено тој истакна дека таа тенденција треба да се одржува и изрази увереност дека ќе може да се направи тоа.