Скутерчен баланы коюп кеткен блогер кармалды
Бишкекте 17 жаштагы уланды катуу ылдамдыкта сүзүп кеткен айдоочу кармалып, тергөө абагына киргизилди.
Мындай маалыматты Бишкек шаардык ички иштер башкармалыгы таратты.
Маалыматка ылайык, жол кырсыгы 24-февралда болжол менен кечки саат 21:00дө болгон. 17 жаштагы К.Д. Асылкеч көчөсү тараптан скутер менен келип, Жайыл-Баатыр көчөсүнөн батышка карай бурулуп жатканда БМВ-740 үлгүсүндөгү жеңил автоунаа сүзүп кеткен.
Автоунааны 1999-жылы туулган Э.М. аттуу жаран башкарып бараткан. Скутерчи жаш жигит кырсык болгон жерде жан берген.
Укук коргоо органдары факты Кылмыш-жаза кодексинин 312-беренесинин 3-бөлүгү (“Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу”) менен каттоого алынганын кабарлады.
Ички иштер министрлигинин Жол кыймылынын коопсуздугун камсыздоо башкармалыгынын маалыматына караганда, 2024-жылы өлкөдө 6 миңден ашуун жол кырсыгы катталган. Андан 640 адам каза болуп, дагы 9 миңге жакыны жаракат алган. Соңку эки жылда мас абалында машина айдаган 17 928 айдоочу унаа башкаруу укугунан ажыратылган. ((KbA)
Мындай маалыматты Бишкек шаардык ички иштер башкармалыгы таратты.
Маалыматка ылайык, жол кырсыгы 24-февралда болжол менен кечки саат 21:00дө болгон. 17 жаштагы К.Д. Асылкеч көчөсү тараптан скутер менен келип, Жайыл-Баатыр көчөсүнөн батышка карай бурулуп жатканда БМВ-740 үлгүсүндөгү жеңил автоунаа сүзүп кеткен.
Автоунааны 1999-жылы туулган Э.М. аттуу жаран башкарып бараткан. Скутерчи жаш жигит кырсык болгон жерде жан берген.
Укук коргоо органдары факты Кылмыш-жаза кодексинин 312-беренесинин 3-бөлүгү (“Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу”) менен каттоого алынганын кабарлады.
Ички иштер министрлигинин Жол кыймылынын коопсуздугун камсыздоо башкармалыгынын маалыматына караганда, 2024-жылы өлкөдө 6 миңден ашуун жол кырсыгы катталган. Андан 640 адам каза болуп, дагы 9 миңге жакыны жаракат алган. Соңку эки жылда мас абалында машина айдаган 17 928 айдоочу унаа башкаруу укугунан ажыратылган. ((KbA)