Журналист Нарын Айып акыркы сапарга узатылды
72 жашында акка моюн сунган журналист Нарын Айыпты акыркы сапарга узатуу зыйнаты бүгүн 15-февралда анын Бишкектеги өз үйүндө өттү. Маркум менен коштошууга бир катар өкмөт мүчөлөрү, коомдук жана саясий ишмерлер, журналисттер, жакындары жана санаалаштары катышты.
Журналист мындан эки күн мурун, 13-февралда жумушта иштеп отурган жеринен өзүн жаман сезип, жүрөгү кармап калганы маалым болгон.
Нарын Айып (Идинов Нарынбек Айыпович) 1952-жылы Нарын облусунун Жумгал районунда туулган. 1969-жылы Бишкектеги №44 орто мектепти аяктап, беш жылдан кийин, 1974-жылы Кыргыз улуттук университетинин физика факультетин кызыл диплом менен бүтүргөн.
1975-1976-жылдары Ломоносов атындагы Москва мамлекеттик университетинин физика факультетинде стажировкадан өтүп, Кыргыз улуттук университетинде мугалим болуп иштегенден кийин, 1977-1980-жылдары СССР Илимдер академиясында (Н.Намёткин атындагы Нефтехимиялык синтез институтунда) аспирантурада окуп, Москвада 1982-жылдан 1993-жылга чейин СССР Илимдер академиясында (Жогорку температуралар институтунда) илимий кызматкер болуп иштеген.
1993-жылдын башында ошол кезде Мүнхен шаарында жайгашкан “Эркин Европа/Азаттык” радиосуна чакырылып, интервьюдан өтүп келген жана анын аралыгында Бишкекке убактылуу келип, 1993-жылы апрелден октябрга чейин “Res Publiсa” эркин гезитинде башкы редактордун орун басары болуп иштеген.
1993-жылдын ноябрынан тартып Нарын Айып Мүнхенде “Эркин Европа/Азаттык” радиосунун Кыргыз кызматында иштей баштаган жана 1995-жылдан тарта (радио Мүнхенден Прагага көчкөндөн соң) 2002-жылга чейин ал кызматтын редактору, 2007-жылга чейин журналисти болуп эмгектенген.
2008-2010-жылдарда “Кабар” улуттук маалымат агенттигинин директору, 2010-жылдан 2014-жылга чейин Бишкектеги Коомдук телерадиоберүү корпорациясынын (КТРК) “Ала-Тоо” маалымат-аналитикалык дирекциясынын директору, 2014-2015-жылдары НТС телеканалынын аналитикалык программаларынын башкы редактору, 2015-жылы “Вечерний Бишкек” гезитинин саясат боюнча шеф-редактору болуп иштеген. 2015-жылы Zanoza.kg сайтын чыгарган “ПроМедиа” коомдук фондунун үч негиздөөчүсүнүн бири болгон (калган экөө - Геннадий Кузьмин жана Дина Маслова).
Андан кийин Кыргызстандагы бир катар медиаларда кызмат кылып, кийин "5-каналда" алып баруучу, редактор, соңку кездери “Жетинчи каналда” иштеп жаткан.
Нарын Айыптын сөөгү Байтик айылындагы көрүстөндө жерге берилди. Маркумдун артында аялы Нуржамал Идинова, төрт кызы калды. (MZh)
Журналист мындан эки күн мурун, 13-февралда жумушта иштеп отурган жеринен өзүн жаман сезип, жүрөгү кармап калганы маалым болгон.
Нарын Айып (Идинов Нарынбек Айыпович) 1952-жылы Нарын облусунун Жумгал районунда туулган. 1969-жылы Бишкектеги №44 орто мектепти аяктап, беш жылдан кийин, 1974-жылы Кыргыз улуттук университетинин физика факультетин кызыл диплом менен бүтүргөн.
1975-1976-жылдары Ломоносов атындагы Москва мамлекеттик университетинин физика факультетинде стажировкадан өтүп, Кыргыз улуттук университетинде мугалим болуп иштегенден кийин, 1977-1980-жылдары СССР Илимдер академиясында (Н.Намёткин атындагы Нефтехимиялык синтез институтунда) аспирантурада окуп, Москвада 1982-жылдан 1993-жылга чейин СССР Илимдер академиясында (Жогорку температуралар институтунда) илимий кызматкер болуп иштеген.
1993-жылдын башында ошол кезде Мүнхен шаарында жайгашкан “Эркин Европа/Азаттык” радиосуна чакырылып, интервьюдан өтүп келген жана анын аралыгында Бишкекке убактылуу келип, 1993-жылы апрелден октябрга чейин “Res Publiсa” эркин гезитинде башкы редактордун орун басары болуп иштеген.
1993-жылдын ноябрынан тартып Нарын Айып Мүнхенде “Эркин Европа/Азаттык” радиосунун Кыргыз кызматында иштей баштаган жана 1995-жылдан тарта (радио Мүнхенден Прагага көчкөндөн соң) 2002-жылга чейин ал кызматтын редактору, 2007-жылга чейин журналисти болуп эмгектенген.
2008-2010-жылдарда “Кабар” улуттук маалымат агенттигинин директору, 2010-жылдан 2014-жылга чейин Бишкектеги Коомдук телерадиоберүү корпорациясынын (КТРК) “Ала-Тоо” маалымат-аналитикалык дирекциясынын директору, 2014-2015-жылдары НТС телеканалынын аналитикалык программаларынын башкы редактору, 2015-жылы “Вечерний Бишкек” гезитинин саясат боюнча шеф-редактору болуп иштеген. 2015-жылы Zanoza.kg сайтын чыгарган “ПроМедиа” коомдук фондунун үч негиздөөчүсүнүн бири болгон (калган экөө - Геннадий Кузьмин жана Дина Маслова).
Андан кийин Кыргызстандагы бир катар медиаларда кызмат кылып, кийин "5-каналда" алып баруучу, редактор, соңку кездери “Жетинчи каналда” иштеп жаткан.
Нарын Айыптын сөөгү Байтик айылындагы көрүстөндө жерге берилди. Маркумдун артында аялы Нуржамал Идинова, төрт кызы калды. (MZh)