Кытайдын DeepSeek программасы технологиялык алптарды нес кылды

Кытайдын DeepSeek компаниясынын ChatGPTге окшош жасалма интеллект программасы дүйнөлүк технологиялык компаниялардын акцияларын олку-солку кылды. Америкалык компаниялар өз долбоорлоруна миллиарддаган доллар сарпташса, DeepSeek болгону алты миллиондой короткон. Ал эми операцияларды аткаруу жагынан башкалардан калышпайт. DeepSeeктин жаңы чат-боту АКШ менен Кытай ортосундагы жасалма интеллект жаатында атандааштыкты дагы күчөткөндөй болду.