Кызыл-Тал: Эски жатаканада окуган балдар

Кара-Суу районундагы Кызыл-Тал айылында 75 окуучуга ылайыкталган мектепте учурда 375 окуучу билим алат. Ош шаарынан 25 чакырым жердеги 70-80 түтүн жашаган чакан конушта 2000-жылдардан кийин эл көбөйүп, ушул тапта миңден ашык түтүн жашайт. Жергиликтүү бийлик жаңы мектеп салуу боюнча өкмөткө кайрылганын, мектеп авариялык абалда экенин билдирди. Өткөн жылы Ош облусу боюнча 22 мектеп курулуп, пайдаланууга берилген.