Ош: Ата-энелерди санаага салган “Сапаттагы” өзгөрүү 

Жекшемби, 19-январда Ошто “Сапат” билим берүү мекемесинин алдына онго чукул ата-эне чогулду. Алар билим берүү жайлары “Маариф” фондуна өткөндөн кийин сабактар үзгүлтүккө учурап жатканын айтып, жаңы окуу програмасына тынчсыздануусун билдиришти. Чогулгандар балдардын аттестаттарына “Сапаттын” мөөрүн басууну талап кылышты.