Бишкекте турак үйдөн чыккан өрттөн бир киши каза болду

Бүгүн, 15-январда Бишкек шаарынын Маевка айылына жакын Белозерский кыска көчөсүндө жайгашкан турак үйдөн өрт чыгып, 65 жаштагы жаран каза болду. Бул тууралуу Өзгөчө кырдаалдар министрлиги кабарлады.



Саат 14:30га чукул өрттү өчүрүүгө жалпы эки бөлүм тартылган. Тилсиз жоо саат 16:25те толук өчүрүлдү.




ӨКМ 14-январда өлкө аймагында 16 өрт кырсыгы катталып, аны өчүрүүгө 18 күжүрмөн эсеп тартылганын билдирген. Кырсыктын көбү Бишкекте катталган. (КЕ)