Абактагы ишкер Ташовдун жакындары президентке кайрылды
KG Group курулуш компаниясынын негиздөөчүсү, Бишкектеги №1 тергөө абагында жаткан Имамидин Ташовдун жакындары президентке кайрылып, аны үй камагына чыгарууга көмөктөшүүнү сурады.
Ишкердин жакындары 4-декабрда маалымат жыйынын өткөрүп, президенттен Имамидин Ташовдун ишин жеке көзөмөлгө алууну өтүнүштү.
Ташовдун апасы Саипжамал Абдукаимова уулу негиздеген курулуш компаниясынын кийинки жетекчилеринин айынан үлүшчүлөр жабыркаганын билдирди. Иниси Азиз Ташовдун журналисттерге билдиргенине караганда, кийинки жетекчилердин айынан компания 581 млн сомдук чыгым тарткан. Азиз Ташов компаниянын үлүшчүлөрдүн үйлөрүн тапшырууга мүмкүнчүлүгү бар экенин, бирок бардык мүлкү камакта тургандыктан, аны ишке ашыруу мүмкүн болбой жатканын кошумчалады.
Имамидин Ташов Бишкектеги №1 тергөө абагында жатат. Ал кыйноого кабылганы тууралуу абактан кат жазып, аны адвокатынан июнь айында апасына берип жиберген. Катта 11-12-13-июнь күндөрү аны тергөө абагынан жактоочусу жок алып чыгып, УКМКнын Бишкек шаардык башкармалыгында кыйнашканы жазылган.
Атайын кызмат Ташовду быйыл 22-апрелде кармаган. Ага Кылмыш-жаза кодексинин “Бийликти күч менен басып алуу” беренеси менен айып коюлган.
Имамидин Ташовдун адвокаты Самат Матцаков 29-ноябрда УКМК кызматкерлери тарабынан кармалып, камакка алынган. Ага Кылмыш-жаза кодексинин “Алдамчылык” беренеси менен кылмыш иши козголгон. Адвокат тергөөчүлөр үйүнөн Ташовдун ишине байланыштуу төрт дискти алып кеткенин айтып, өзүнүн кармалышын кесиптик ишмердиги менен байланыштырган.
Бишкектин Биринчи май райондук соту Матцаковду 30-декабрга чейин камакта калтырган.(ZKo)
Ишкердин жакындары 4-декабрда маалымат жыйынын өткөрүп, президенттен Имамидин Ташовдун ишин жеке көзөмөлгө алууну өтүнүштү.
Ташовдун апасы Саипжамал Абдукаимова уулу негиздеген курулуш компаниясынын кийинки жетекчилеринин айынан үлүшчүлөр жабыркаганын билдирди. Иниси Азиз Ташовдун журналисттерге билдиргенине караганда, кийинки жетекчилердин айынан компания 581 млн сомдук чыгым тарткан. Азиз Ташов компаниянын үлүшчүлөрдүн үйлөрүн тапшырууга мүмкүнчүлүгү бар экенин, бирок бардык мүлкү камакта тургандыктан, аны ишке ашыруу мүмкүн болбой жатканын кошумчалады.
Имамидин Ташов Бишкектеги №1 тергөө абагында жатат. Ал кыйноого кабылганы тууралуу абактан кат жазып, аны адвокатынан июнь айында апасына берип жиберген. Катта 11-12-13-июнь күндөрү аны тергөө абагынан жактоочусу жок алып чыгып, УКМКнын Бишкек шаардык башкармалыгында кыйнашканы жазылган.
Атайын кызмат Ташовду быйыл 22-апрелде кармаган. Ага Кылмыш-жаза кодексинин “Бийликти күч менен басып алуу” беренеси менен айып коюлган.
Имамидин Ташовдун адвокаты Самат Матцаков 29-ноябрда УКМК кызматкерлери тарабынан кармалып, камакка алынган. Ага Кылмыш-жаза кодексинин “Алдамчылык” беренеси менен кылмыш иши козголгон. Адвокат тергөөчүлөр үйүнөн Ташовдун ишине байланыштуу төрт дискти алып кеткенин айтып, өзүнүн кармалышын кесиптик ишмердиги менен байланыштырган.
Бишкектин Биринчи май райондук соту Матцаковду 30-декабрга чейин камакта калтырган.(ZKo)