Дуровдун иши: Телеграмдагы сөз эркиндиги жана киберкылмыштар

Телеграмдын түптөөчүсү Павел Дуровдун Францияда кармалышы сөз эркиндигин коргоону жана онлайн мазмунду тескөө зарылдыгын жактагандардын тирешин күчөттү. Дүйнөдөгү эң популярдуу платформалардын бири репрессивдүү режимдерде активисттердин негизги байланыш булагына айланса, аны баңгизаттарды сатуу, порнографияны, дезинформацияны таратуу үчүн да пайдаланып жүрүшөт. Эмне себептен Батыштын бир катар социалдык түйүндөрүн бөгөттөгөн Орусияда Дуровду жабыла жактап, өзгөчө пропагандачылар тынчсызданып жатышат?