Олжобай Шакир - абактагы жазуучу жана агартуучу

Олжобай Шакир эгемен Кыргызстандын тарыхында абакка кесилген биринчи жазуучулардын бири болуп калды. Ал темир тор артында дагы чыгармачылыгын таштабай, коомдук-саясий окуяларга пикирин билдирип, агартуучулук аракетин улантууда. “Массалык башаламандыктар” беренеси менен айыпталып, беш жыл түрмөгө кесилген Олжобай Шакирди чыгармачыл чөйрө калыпка сыйбаган, кежир мүнөзү менен кошо кыргыз маданиятына, адабиятына кошкон салымын белгилешет.