Қазақстандағы "суперпрезидент моделі" және Конституция жобасы: алда не күтіп тұр?

Егер Қазақстанның жаңа Конституция жобасы төңірегіндегі пікірлерді сырт көз саралайтын болса, елде оның екі түрлі нұсқасы талқыланып жатыр деп ойлап қалуы мүмкін: бірінде суперпрезиденттік жүйеден бас тартып жатырмыз деп жария етсе, екіншісінде керісінше, президент өкілеті күшейтілетіні айтылған. Ал іс жүзінде жалғыз ғана жоба – әу баста парламентті қайта құрылымдау мақсатын көздейді делінген құжат жайында сөз болып жатыр. Сонда президент институты қалай және неліктен өзгеріске ұшырамақ?