Қазақстанның шығысында аязға байланысты мектептер қашықтан оқуға көшірілді

Шығыс Қазақстан және Абай облыстарында қатты аязға байланысты мектептердің бір бөлігі қашықтан оқуға көшірілді. Бұл жөнінде Қазақпарат хабарлады.

Семейде бірінші ауысымда оқитын 1–9 сынып оқушылары онлайн-форматқа көшірілген. Абай облысы Бесқарағай, Көкпекті, Жаңасемей, Бородулиха аудандарында да осыған ұқсас шешім қабылданған.

Шығыс Қазақстан облысында Риддердегі барлық мектепте 0–4 сынып оқушылары қашықтан оқуға көшірілген.

Алтай қаласында және бірқатар ауылдық мектептерде ауа температурасы –28…–35 төмендеген кезде мектептер қашықтан оқуға көшетіні айтылды. Катонқарағай, Марқакөл, Самар аудандарында да осыған ұқсас шешім қабылданған.

13 ақпанда Семей мен Өскеменде ауа температурасы -23-24 градус болып тұрды. Бұған қоса, Тараздағы мектептер қашықтан оқуға көшірілген.