Газа секторында сегіз тұтқын босатылды
Газа секторында бейсенбі күні палестиналық ХАМАС тобы (ЕО мен АҚШ-та террористік ұйым танылған) 2023 жылы 7 қазан күнгі Израильге шабуыл кезінде тұтқындалған сегіз адамды босатты.
Қызыл Крест ұйымына әуелі 20 жастағы әскери қызметкер Агам Бергер тапсырылды. Бірнеше сағаттан кейін Газа секторының оңтүстігінде 29 жастағы Арбель Ягуд және 80 жастағы Гади Мозес, сонымен бірге Таиландтың бес азаматы босатылды.
Израиль әскері азаматтардың босатылғанын растады.
Өз кезегінде Израиль 110 палестиналық тұтқынды босатады. 17 қаңтардан бері екі жақ осымен үшінші рет тұтқын алмасып жатыр. Бұған дейін жеті израильдік тұтқын бостандыққа шыққан.
Кейінгі мәлімет бойынша, бейсенбі күнгі тұтқын алмасудан кейін Газада 82 израильдік тұтқын қалған. Олардың бір бөлігі тірі емес деген дерек бар.
Атысты тоқтату келісімінің алғашқы кезеңінде ХАМАС 33 адамды босатуы керек. Ал Израиль шамамен 200 шақты палестиналықты түрмеден жібереді.
2023 жылы 7 қазан күнгі Израильге шабуыл кезінде 1200-ден астам адам қаза болған, шамамен 250 адам тұтқынға алынған. Шабуылдан кейінгі Израильдің Газа секторында жүргізген әскери қимылы кезінде палестиналықтардың мәліметінше, шамамен 47 мың адам қаза болған. Израиль әскері жүздеген сарбазынан айырылған.
Қызыл Крест ұйымына әуелі 20 жастағы әскери қызметкер Агам Бергер тапсырылды. Бірнеше сағаттан кейін Газа секторының оңтүстігінде 29 жастағы Арбель Ягуд және 80 жастағы Гади Мозес, сонымен бірге Таиландтың бес азаматы босатылды.
Израиль әскері азаматтардың босатылғанын растады.
Өз кезегінде Израиль 110 палестиналық тұтқынды босатады. 17 қаңтардан бері екі жақ осымен үшінші рет тұтқын алмасып жатыр. Бұған дейін жеті израильдік тұтқын бостандыққа шыққан.
Кейінгі мәлімет бойынша, бейсенбі күнгі тұтқын алмасудан кейін Газада 82 израильдік тұтқын қалған. Олардың бір бөлігі тірі емес деген дерек бар.
Атысты тоқтату келісімінің алғашқы кезеңінде ХАМАС 33 адамды босатуы керек. Ал Израиль шамамен 200 шақты палестиналықты түрмеден жібереді.
2023 жылы 7 қазан күнгі Израильге шабуыл кезінде 1200-ден астам адам қаза болған, шамамен 250 адам тұтқынға алынған. Шабуылдан кейінгі Израильдің Газа секторында жүргізген әскери қимылы кезінде палестиналықтардың мәліметінше, шамамен 47 мың адам қаза болған. Израиль әскері жүздеген сарбазынан айырылған.