Атырауда жасөспірім адам өліміне әкелген жол апатына себепкер болды

Атырауда жасөспірім жол-көлік оқиғасына ұшырады. Салдарынан жолаушылардың бірі қайтыс болды, - деп хабарлайды Tengrinews.kz тілшісі.
19 қаңтарда шамамен сағат 23:30-да Атырау – Дамба тасжолында ВАЗ-2170 көлігі жол-көлік оқиғасына ұшырады. Көлікті 17 жастағы жасөспірім жүргізіп келе жатқан. Ол 25 жастағы ер адам тізгіндеген Toyota Camry көлігімен соқтығысқан.

"Соқтығыс салдарынан ВАЗ-2170 көлігінің 2009 жылы туған жолаушысы оқиға орнында қайтыс болды. Сонымен қатар, бір жолаушы мен жүргізуші ауруханаға жеткізілді. Қазіргі уақытта тергеу амалдары жүргізіліп жатыр", – деп хабарлады Атырау облысы полиция департаментінің баспасөз қызметі.


Сілтемесіз жаңалық оқисыз ба? Онда Telegram желісінде парақшамызға тіркеліңіз!