Доллардың теңгеге шаққандағы бағамы тарихи рекордқа жақындады

Қазақстанда доллардың 27 қарашадағы бағамы тарихи рекордқа жақындады, - деп хабарлайды Tengrinews.kz тілшісі.

Қазақстан қор биржасындағы (KASE) күндізгі сауда қорытындысы бойынша, доллардың орташа сараланған бағамы 499,51 теңге болып, 0,93 теңгеге өсті. Айта кетейік, доллардың 27 қарашадағы бағамы - 498,55 теңге.

Kurs.kz мәліметінше, қазіргі уақытта Алматыдағы ақша айырбастау орындарында долларды сатып алудың орташа бағамы 503,75 теңге, ал сату бағамы 506,76 теңге. Астанадағы ақша айырбастау орындарында долларды орташа есеппен 500,02 теңгеден сатып алып, 505,97 теңгеден сатып жатыр.

Еске салайық, 26 қарашада KASE қорытындысы бойынша доллардың орташа сараланған бағамы 498,55 теңге болып, 0,13 теңгеге төмендеген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!