Ордабасыда 600 орындық жаңа мектеп қолданысқа берілді

Ордабасы ауданындағы Шұбарсу ауылында жеке инвестор есебінен 600 орындық жаңа "Мiras intellectual school" атты мектеп ашылды.

Білім ордасының ашылу салтанатына аудан әкімі Азат Оралбаев қатысып, ауылды дамытуға өз үлесін қосқан инвесторға алғысын білдірді. Сондай-ақ, аудан басшысы өз сөзінде жаңа мектептің ауылға тек білім беріп қана қоймай, ауылдың әлеуметтік дамуына да серпін беретінін атап өтті.

Жаңа мектепте оқушылардың сапалы білім алуы үшін барлық жағдай жасалған. Ғимаратта кең әрі жарық оқу кабинеттері, спорт және мәжіліс залдары, кітапхана, пәндік сыныптар, асхана мен демалыс аймақтары бар.
Сонымен қатар, мектептің қауіпсіздігін қамтамасыз ету мақсатында бейнебақылау камералары мен өрт қауіпсіздік жүйесі орнатылған. Оқушылардың спортпен айналысуы үшін ашық спорт алаңдары да бар.

Түркістан облысының Өңірлік коммуникациялар қызметі