Алматылық қыздың өлімі: полиция тың деректерді жариялады
Бір ай бұрын қазан айының аяғында жоғалып кеткен Алматы тұрғынының жүрек ауруынан қайтыс болғаны белгілі болды. Бұл туралы қалалық полиция департаменті мәлімдеді, - деп хабарлайды Tengrinews.kz тілшісі
Алматы полиция департаментінің баспасөз қызметі 30 қазан күні Алмалы ауданындағы үйлердің бірінен зорлық-зомбылық белгілері жоқ әйелдің денесі табылғанын хабарлады.
"Сот-медициналық сараптамасының қорытындысына сәйкес, өлімге жүрек ауруы себеп болған", - деді полиция.
Айта кетейік, 1994 жылы туған Супатаева Әйгерім 26 қазан күні жоғалып кеткен. Кешкі сағат 21:00-де Медеу ауданы, Шевченко көшесі, 15А үй мекенжайындағы үйінен шығып, сол күйі оралмаған. Полиция қыздың денесі Алмалы ауданындағы үйлердің бірінен табылғанын хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!