Ләззат Сүйіндік ОСК мүшесі болып тағайындалды

Сенаторлар Ләззат Сүйіндікті Орталық сайлау комиссиясының мүшесі етіп тағайындады, - деп хабарлайды Tengrinews.kz тілшісі.

Сенат отырысында депутаттар Ләззат Сүйіндіктің ОСК мүшесі лауазымына кандидатурасын қолдап, бұл мәселені Конституциялық заңнама, сот жүйесі және құқық қорғау органдары комитеті шеңберінде алдын ала талқылады.

Ләззат Сүйіндік Л. Гумилев атындағы Еуразия ұлттық университетін, Қазтұтынуодағы Қарағанды экономикалық университетін бітірген. "Болашақ" бағдарламасының стипендиаты, Ұлыбританиядағы Шеффилд Университетінде оқыған.

Коммуникация саласында үлкен тәжірибесі бар, ұзақ уақыт Ақпарат министрлігінде және "Хабар" агенттігінде жауапты басшылық лауазымдарда жұмыс істеген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!