Жамбыл облысында 1,5 млрд теңгеге жөнделген 112 жолдың жарамдылық мерзімі көрсетілмеген
Сыбайлас жемқорлыққа қарсы қызмет автомобиль жолдарының құрылысын қаржыландыру саласындағы жемқорлық тәуекелдеріне сыртқы талдау жүргізуде.
ҚР Сыбайлас жемқорлыққа қарсы іс-қимыл агенттігі баспасөз қызметінің хабарлауынша, жүргізіліп жатқан жұмыс шеңберінде елеулі жемқорлық тәуекелдері анықталды.
Мәселен, Жамбыл облысында 2020-2024 жылдары аралығында жалпы сомасы 1,5 млрд теңгеге 112 жолды орташа жөндеу жөніндегі шарттарда міндетті кепілдік мерзімдері көрсетілмеген. Бұл мердігерлерге ықтимал ақауларды жою үшін жауапкершіліктен жалтаруға мүмкіндік берді.
Сыбайлас жемқорлыққа қарсы қызметтің ұсынысы бойынша тапсырыс берушілер мердігерлермен қосымша шарттар жасасты, аталған объектілер бойынша кепілдік мерзімдерін екі жылға белгіледі.
Бұдан басқа, тоғыз ауылдық округтің әкімдері автомобиль жолдарын салу нормаларын сақтамағаны үшін тәртіптік жауапкершілікке тартылды.
«Кепілдік мерзімдерін белгілеу орындалатын жұмыстардың сапасын арттыруға мүмкіндік береді, себебі осы кезеңде мердігерлер анықталған ақауларды өз есебінен жоюға міндетті болады»-делінген хабарламада.
Сообщение Жамбыл облысында 1,5 млрд теңгеге жөнделген 112 жолдың жарамдылық мерзімі көрсетілмеген появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.