Алматыдағы ауа райы: ТЖД жедел ескертуі

Алматыда найзағай ойнап, екпінді жел соғады, - деп хабарлайды Tengrinews.kz тілшісі.

Қалалық ТЖД мәліметінше, 5 шілдеде Алматының таулы аймақтарында жаңбыр жауады, қалада найзағай ойнайды, солтүстік-батыстан жел соғады, екпіні секундына 15-20 метрге жетеді.

Сонымен қатар, 5-7 шілде аралығында жауын-шашынның көп түсуіне байланысты Алматыға іргелес таулы аудандарда беткейлік ағын сулар жиналады және өзендердегі су деңгейінің көтерілуі күтіледі. Қауіпті деңгейден асып кетсе, тасу және су басуы мүмкін.

"Қазселденқорғау" және Төтенше жағдайлар департаменті алдағы күндері таулы аймақтарда серуендеуден бас тартуды және өзен арналарынан (Қарғалы, Ақсай, Үлкен және Кіші Алматы) аулақ болуды сұрайды", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!