Шымкент әкімінің экс-орынбасары сотталды

Шымкент әкімінің бұрынғы орынбасары Мақсұт Исаховқа үкім шықты, - деп хабарлайды Tengrinews.kz тілшісі соттың баспасөз қызметіне сілтеме жасап. Оған пара алуға әрекеттенді деген айып тағылған.

Шымкент Қылмыстық істер жөніндегі мамандандырылған ауданаралық сотында аса ірі мөлшерде пара берді деген айыппен И.-ға қатысты іс қаралды (ҚК-нің 367-бабының 4-бөлігі).

"Сот И.-ды Қылмыстық кодекстің 55-бабы 2-бөлігін және 56-бабы 3-бөлігін пайдалана отырып, аса ірі мөлшерде пара алуға әрекеттенгені үшін кінәлі деп танып, мемлекеттік қызметте лауазымдарды атқаруға өмір бойына құқығынан айырумен 8 жыл 5 айға бас бостандығынан айыру жазасын тағайындады. Сонымен қатар, Қазақстан Республикасы Президентіне оны мемлекеттік наградасы – "Құрмет" орденінен айыру туралы ұсыныс енгізілді", - деп хабарлады Шымкент Қылмыстық істер жөніндегі мамандандырылған ауданаралық сотының баспасөз қызметі.

Үкім заңды күшіне енген жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!