Бүгін Алматы мен Астанада ауа райы қандай болады?

Ауа райы болжамына сәйкес, 12 ақпанда Алматыда қар жауады, ал Астанада көшпелі бұлт шығады, жауын-шашынсыз, - деп хабарлайды Tengrinews.kz тілшісі "Казгидрометке" сілтеме жасап.

12 ақпанда Алматыда ауа температурасы күндіз және түнде 0+2 градусқа дейін жылиды. Бұлтты, кейде жауын-шашын, негізінен қар, тұман және көктайғақ күтіледі. Желдің жылдамдығы секундына 2-7 метр.

Астанада түстен кейін 13-15 градус аяз болады. Көшпелі бұлт, жауын-шашынсыз. Түнде температура минус 21-23 дейін төмендейді. Желдің жылдамдығы секундына 3-8 метр.

Еске салайық, Қазақстанның 9 облысында 12 ақпанда ауа райына байланысты ескерту жарияланды. Ауа райының қолайсыздығы Солтүстік Қазақстан, Шығыс Қазақстан, Батыс Қазақстан, Қызылорда, Маңғыстау, Түркістан, Алматы, Атырау облыстарында, сондай-ақ Жетісу облысында күтіледі. Синоптиктер аталған аймақтардағы көктайғақ, тұман, қар мен боран туралы ескертті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!