ამერიკელი მსახიობი ჯინ ჰეკმენი და მისი მეუღლე ბეტსი არაკავა ბუნებრივი სიკვდილით გარდაიცვალნენ
ამერიკელი მსახიობი ჯინ ჰეკმენი და მისი მეუღლე ბეტსი არაკავა ბუნებრივი სიკვდილით გარდაიცვალნენ. ამის შესახებ ნიუ-მექსიკოს შტატის სანტა-ფეს ოლქის ხელისუფლებამ განაცხადა სასამართლო ექსპერტიზის შედეგებზე დაყრდნობით.
წყვილის ცხედრები 26 თებერვალს იპოვეს სანტა-ფეში. გაკვეთის თანახმად, ჰეკმენი სავარაუდოდ არაკავას სიკვდილიდან რამდენიმე დღეში გარდაიცვალა. 18 თებერვალს მისმა კარდიოსტიმულატორმა უკანასკნელად დააფიქსირა გულისცემა.
არაკავა გარდაიცვალა ფილტვის ჰანტავირუსული სინდრომით, იშვიათი ინფექციური დაავადებით, რომელიც შეიძლება მღრღნელებთან კონტაქტით გადაიცეს. ექსპერტებმა დაასკვნეს, რომ სახლში მიმოფანტული აბები რეცეპტით იყო გაცემული და არაფერი ჰქონდა საერთო ცოლ-ქმრის სიკვდილთან.
იტყობინებიან, რომ ჰეკმენმა შესაძლოა არ იცოდა, რომ მისი ცოლი რამდენიმე დღით ადრე გარდაიცვალა, ვინაიდან ის „ძალიან ცუდ მდგომარეობაში იყო“. ექსპერტიზის მიხედვით, მსახიობი „გულ-სისხლძარღვთა დაავადების“ შედეგად გარდაიცვალა ალცჰაიმერის დაავადების ფონზე. ჰეკმენის ოჯახის წარმომადგენელმა მანამდე CNN-ს განუცხადა, რომ ცნობები ალცჰაიმერის შესახებ „სრულიად არ შეესაბამება სინამდვილეს“. ავტოფსიის შედეგად არ აღმოჩენილა „შინაგანი ან გარეგანი ტრავმის მწვავე ნიშნები“, ასევე უარყოფითი იყო ტესტები COVID-19-ზე, გრიპზე და სხვა რესპირატორულ ვირუსებზე.
სახლში, სააბაზანოში, გალიაში იპოვეს ძაღლის გვამიც. ნიუ-მექსიკოს შტატის ვეტერინარმა თქვა, რომ ძაღლის სიკვდილი შესაძლოა შიმშილმა გამოიწვია, მაგრამ ხელისუფლება ჯერ არ არის ამაში დარწმუნებული. სიკვდილის ზუსტ მიზეზს ექსპერტიზა დაადგენს.
ჯინ ჰეკმენი 95 წლის იყო, მისი ცოლი, პიანისტი ბეტსი არაკავა - 63 წლისა. კარიერის განმავლობაში, რომელიც ექვს ათწლეულზე მეტ ხანს მოიცავდა, ჰეკმენმა მიიღო „ოსკარის“ ორი ჯილდო, ორი BAFTA, ოთხი „ოქროს გლობუსი“ და კინომსახიობთა გილდიის ჯილდო. მთლიანობაში მას ასზე მეტი როლი აქვს ნათამაშევი, მათ შორის ფილმებში: „შეუწყნარებელი“, „ფრანგი მეკავშირე“, „ბონი და კლაიდი“ „მისისიპი ცეცხლში“ და ფილმების სერიაში სუპერმენის შესახებ.
წყვილის ცხედრები 26 თებერვალს იპოვეს სანტა-ფეში. გაკვეთის თანახმად, ჰეკმენი სავარაუდოდ არაკავას სიკვდილიდან რამდენიმე დღეში გარდაიცვალა. 18 თებერვალს მისმა კარდიოსტიმულატორმა უკანასკნელად დააფიქსირა გულისცემა.
არაკავა გარდაიცვალა ფილტვის ჰანტავირუსული სინდრომით, იშვიათი ინფექციური დაავადებით, რომელიც შეიძლება მღრღნელებთან კონტაქტით გადაიცეს. ექსპერტებმა დაასკვნეს, რომ სახლში მიმოფანტული აბები რეცეპტით იყო გაცემული და არაფერი ჰქონდა საერთო ცოლ-ქმრის სიკვდილთან.
იტყობინებიან, რომ ჰეკმენმა შესაძლოა არ იცოდა, რომ მისი ცოლი რამდენიმე დღით ადრე გარდაიცვალა, ვინაიდან ის „ძალიან ცუდ მდგომარეობაში იყო“. ექსპერტიზის მიხედვით, მსახიობი „გულ-სისხლძარღვთა დაავადების“ შედეგად გარდაიცვალა ალცჰაიმერის დაავადების ფონზე. ჰეკმენის ოჯახის წარმომადგენელმა მანამდე CNN-ს განუცხადა, რომ ცნობები ალცჰაიმერის შესახებ „სრულიად არ შეესაბამება სინამდვილეს“. ავტოფსიის შედეგად არ აღმოჩენილა „შინაგანი ან გარეგანი ტრავმის მწვავე ნიშნები“, ასევე უარყოფითი იყო ტესტები COVID-19-ზე, გრიპზე და სხვა რესპირატორულ ვირუსებზე.
სახლში, სააბაზანოში, გალიაში იპოვეს ძაღლის გვამიც. ნიუ-მექსიკოს შტატის ვეტერინარმა თქვა, რომ ძაღლის სიკვდილი შესაძლოა შიმშილმა გამოიწვია, მაგრამ ხელისუფლება ჯერ არ არის ამაში დარწმუნებული. სიკვდილის ზუსტ მიზეზს ექსპერტიზა დაადგენს.
ჯინ ჰეკმენი 95 წლის იყო, მისი ცოლი, პიანისტი ბეტსი არაკავა - 63 წლისა. კარიერის განმავლობაში, რომელიც ექვს ათწლეულზე მეტ ხანს მოიცავდა, ჰეკმენმა მიიღო „ოსკარის“ ორი ჯილდო, ორი BAFTA, ოთხი „ოქროს გლობუსი“ და კინომსახიობთა გილდიის ჯილდო. მთლიანობაში მას ასზე მეტი როლი აქვს ნათამაშევი, მათ შორის ფილმებში: „შეუწყნარებელი“, „ფრანგი მეკავშირე“, „ბონი და კლაიდი“ „მისისიპი ცეცხლში“ და ფილმების სერიაში სუპერმენის შესახებ.