ევროკავშირს შეუძლია უკრაინის უსაფრთხოების გარანტიის სახით გამოიყენოს რუსეთის აქტივები
ბრიტანეთი, საფრანგეთი და გერმანია განიხილავენ ევროკავშირში გაყინული რუსული აქტივების კონფისკაციის შესაძლებლობას, როგორც უკრაინის უსაფრთხოების ერთ-ერთ გარანტიას რუსეთთან ცეცხლის შეწყვეტის შეთანხმების შემთხვევაში. ამის შესახებ ბრიტანული გაზეთი Financial Times-ი თავის წყაროებზე დაყრდნობით წერს.
გამოცემა აღნიშნავს, რომ ევროკავშირის უმსხვილესი ქვეყნები დიდი ხანია ეწინააღმდეგებიან რუსული აქტივების კონფისკაციას. ამ ღონისძიების კრიტიკოსები მიუთითებდნენ სამართლებრივ სირთულეებზე და ასევე საინვესტიციო კლიმატზე ასეთი ღონისძიების უარყოფით გავლენაზე. თუმცა, უკრაინის მიმართ აშშ-ის პოლიტიკის ცვლილების ფონზე, საფრანგეთი და გერმანია, ევროკავშირის არაწევრ ბრიტანეთთან ერთად, ამ იდეას დაუბრუნდნენ უკრაინის უსაფრთხოების უზრუნველყოფის გზების ძიებაში.
ამ იდეის თანახმად, რუსეთს ეს გაყინული აქტივები სამშვიდობო შეთანხმებების დადებამდე არ ჩამოერთმევა, როგორც ამას ევროკავშირის არაერთი ქვეყანა ითხოვს. თუმცა, კონფისცირება იმ შემთხვევაში მოხდება, თუ რუსეთი ცეცხლის შეწყვეტის შეთანხმებას დაარღვევს.
საფრანგეთის პრეზიდენტმა ემანუელ მაკრონმა, გასულ კვირას აშშ-ის პრეზიდენტ დონალდ ტრამპთან შეხვედრისას განაცხადა, რომ აქტივების დაუყოვნებლივ კონფისკაცია ეწინააღმდეგება საერთაშორისო სამართალს, მაგრამ ამ აქტივების ბედი შეიძლება განიხილებოდეს სამშვიდობო მოლაპარაკებებზე. ერთ-ერთი იდეა, რაზეც მედიამ ადრე დაწერა, არის ამ აქტივების გამოყენების შესაძლებლობა უკრაინის აღსადგენად. სააგენტო Reuters-მა წყაროებზე დაყრდნობით განაცხადა, რომ რუსეთი ამას დათანხმდება, თუ თანხების ნაწილი რუსეთის მიერ ამჟამად კონტროლირებადი უკრაინის ტერიტორიების აღდგენას მოხმარდება. ბუნდოვანია, რამდენად შეიძლება აქტივების კონფისკაციის საფრთხე უსაფრთხოების ეფექტურ გარანტიად იქცეს და ეთანხმება თუ არა უკრაინა ასეთ სქემას. მოსკოვი ოფიციალურად უარყოფს აქტივების კონფისკაციის ნებისმიერ შესაძლებლობას.
2022 წელს რუსეთის უკრაინაში შეჭრის შემდეგ დაყადაღებული თანხების უმეტესობა - დაახლოებით 190 მილიარდი ევრო - ევროპის საკლირინგო ცენტრ Euroclear-ში ინახება. სახსრების ნაწილი დაყადაღებულია ასევე აშშ-ში, დიდ ბრიტანეთსა და ევროკავშირის სხვადასხვა ქვეყანაში. ამ აქტივებიდან მიღებული შემოსავალი დასავლეთის ქვეყნების მიერ უკრაინისთვის გამოყოფილი 50 მილიარდი ევროს სესხის უზრუნველყოფად გამოიყენება.
გამოცემა აღნიშნავს, რომ ევროკავშირის უმსხვილესი ქვეყნები დიდი ხანია ეწინააღმდეგებიან რუსული აქტივების კონფისკაციას. ამ ღონისძიების კრიტიკოსები მიუთითებდნენ სამართლებრივ სირთულეებზე და ასევე საინვესტიციო კლიმატზე ასეთი ღონისძიების უარყოფით გავლენაზე. თუმცა, უკრაინის მიმართ აშშ-ის პოლიტიკის ცვლილების ფონზე, საფრანგეთი და გერმანია, ევროკავშირის არაწევრ ბრიტანეთთან ერთად, ამ იდეას დაუბრუნდნენ უკრაინის უსაფრთხოების უზრუნველყოფის გზების ძიებაში.
ამ იდეის თანახმად, რუსეთს ეს გაყინული აქტივები სამშვიდობო შეთანხმებების დადებამდე არ ჩამოერთმევა, როგორც ამას ევროკავშირის არაერთი ქვეყანა ითხოვს. თუმცა, კონფისცირება იმ შემთხვევაში მოხდება, თუ რუსეთი ცეცხლის შეწყვეტის შეთანხმებას დაარღვევს.
საფრანგეთის პრეზიდენტმა ემანუელ მაკრონმა, გასულ კვირას აშშ-ის პრეზიდენტ დონალდ ტრამპთან შეხვედრისას განაცხადა, რომ აქტივების დაუყოვნებლივ კონფისკაცია ეწინააღმდეგება საერთაშორისო სამართალს, მაგრამ ამ აქტივების ბედი შეიძლება განიხილებოდეს სამშვიდობო მოლაპარაკებებზე. ერთ-ერთი იდეა, რაზეც მედიამ ადრე დაწერა, არის ამ აქტივების გამოყენების შესაძლებლობა უკრაინის აღსადგენად. სააგენტო Reuters-მა წყაროებზე დაყრდნობით განაცხადა, რომ რუსეთი ამას დათანხმდება, თუ თანხების ნაწილი რუსეთის მიერ ამჟამად კონტროლირებადი უკრაინის ტერიტორიების აღდგენას მოხმარდება. ბუნდოვანია, რამდენად შეიძლება აქტივების კონფისკაციის საფრთხე უსაფრთხოების ეფექტურ გარანტიად იქცეს და ეთანხმება თუ არა უკრაინა ასეთ სქემას. მოსკოვი ოფიციალურად უარყოფს აქტივების კონფისკაციის ნებისმიერ შესაძლებლობას.
2022 წელს რუსეთის უკრაინაში შეჭრის შემდეგ დაყადაღებული თანხების უმეტესობა - დაახლოებით 190 მილიარდი ევრო - ევროპის საკლირინგო ცენტრ Euroclear-ში ინახება. სახსრების ნაწილი დაყადაღებულია ასევე აშშ-ში, დიდ ბრიტანეთსა და ევროკავშირის სხვადასხვა ქვეყანაში. ამ აქტივებიდან მიღებული შემოსავალი დასავლეთის ქვეყნების მიერ უკრაინისთვის გამოყოფილი 50 მილიარდი ევროს სესხის უზრუნველყოფად გამოიყენება.