მოლდოვაში დაიხურება მეცნიერებისა და კულტურის რუსული ცენტრი
მოლდოვაში, ქვეყნის ხელისუფლების გადაწყვეტილებით, დაიხურება მეცნიერებისა და კულტურის რუსული ცენტრი ("რუსული სახლი").
ამის შესახებ 13 თებერვალს იტყობინება მოლდოვის რესპუბლიკის საგარეო საქმეთა სამინისტროს პრესსამსახური, რომელიც აღნიშნავს, რომ გადაწყვეტილება რუსული უპილოტო საფრენი მოწყობილობების მიერ ქვეყნის საჰაერო სივრცის დარღვევასთან დაკავშირებითაა მიღებული.
მოლდოვის საგარეო საქმეთა სამინისტრომ მოლდოვისა და რუსეთის მთავრობებს შორის 1998 წელს დადებული შეთანხმების ცალმხრივი შეწყვეტის გადაწყვეტილება მიიღო.
"შეთანხმების შეწყვეტის პროცედურის დასრულების შემდეგ, რუსეთის კულტურული ცენტრი შეწყვეტს თავის საქმიანობას ჩვენს ქვეყანაში", - ნათქვამია უწყების ვებგვერდზე გამოქვეყნებულ ცნობაში.
მანამდე მოლდოვის პრეზიდენტმა მაია სანდუმ განაცხადა, რომ უკრაინის ოდესის რეგიონში რუსული უპილოტო საფრენი მოწყობილობების თავდასხმის დროს, ორი დრონი მოლდოვის ტერიტორიაზე შეფრინდა და, სავარაუდოდ, იქ აფეთქდა. ინციდენტს მსხვერპლი არ მოჰყოლია.
მოლდოვის საგარეო საქმეთა სამინისტროში სასწრაფოდ გამოიძახეს რუსეთის ელჩი ოლეგ ოზეროვი. "შეხვედრის მსვლელობისას, მოლდოვის მხარემ მკვეთრი პროტესტი გამოხატა ამ მიუღებელი დარღვევების წინააღმდეგ და ხაზგასმით აღნიშნა, რომ მსგავსი შემთხვევები სერიოზულ საფრთხეს წარმოადგენს ეროვნული უსაფრთხოებისა და მოლდოვის რესპუბლიკის მოქალაქეებისთვის. რუს დიპლომატს აცნობეს, რომ მსგავსი მოქმედებები არის ეროვნული სუვერენიტეტის დარღვევა და წარმოადგენს მორიგ არამეგობრულ ჟესტს რუსეთის ფედერაციის მხრიდან", - ნათქვამია მოლდოვის საგარეო საქმეთა სამინისტროს ცნობაში. გავრცელებული ინფორმაციით, ელჩს უპილოტო საფრენი მოწყობილობების ნამსხვრევები აჩვენეს.
ჯერჯერობით არ ყოფილა მოსკოვის რეაქცია მოლდოვური მხარის გადაწყვეტილებაზე.
ამ თვის დასაწყისში ცნობილი გახდა, რომ ბაქოში დახურეს „რუსული სახლი". აზერბაიჯანის ხელისუფლებამ "როსსოტრუდნიჩესტვოს" წარმომადგენლობის წინააღმდეგ სამართლებრივი პრეტენზიის შესახებ განაცხადა. ბაქოსა და მოსკოვს შორის ურთიერთობა გაუარესდა 2024 წლის დეკემბერში, აქთაუს მახლობლად "აზერბაიჯანის ავიახაზების" თვითმფრინავის ჩამოვარდნის შემდეგ.
ამის შესახებ 13 თებერვალს იტყობინება მოლდოვის რესპუბლიკის საგარეო საქმეთა სამინისტროს პრესსამსახური, რომელიც აღნიშნავს, რომ გადაწყვეტილება რუსული უპილოტო საფრენი მოწყობილობების მიერ ქვეყნის საჰაერო სივრცის დარღვევასთან დაკავშირებითაა მიღებული.
მოლდოვის საგარეო საქმეთა სამინისტრომ მოლდოვისა და რუსეთის მთავრობებს შორის 1998 წელს დადებული შეთანხმების ცალმხრივი შეწყვეტის გადაწყვეტილება მიიღო.
"შეთანხმების შეწყვეტის პროცედურის დასრულების შემდეგ, რუსეთის კულტურული ცენტრი შეწყვეტს თავის საქმიანობას ჩვენს ქვეყანაში", - ნათქვამია უწყების ვებგვერდზე გამოქვეყნებულ ცნობაში.
მანამდე მოლდოვის პრეზიდენტმა მაია სანდუმ განაცხადა, რომ უკრაინის ოდესის რეგიონში რუსული უპილოტო საფრენი მოწყობილობების თავდასხმის დროს, ორი დრონი მოლდოვის ტერიტორიაზე შეფრინდა და, სავარაუდოდ, იქ აფეთქდა. ინციდენტს მსხვერპლი არ მოჰყოლია.
მოლდოვის საგარეო საქმეთა სამინისტროში სასწრაფოდ გამოიძახეს რუსეთის ელჩი ოლეგ ოზეროვი. "შეხვედრის მსვლელობისას, მოლდოვის მხარემ მკვეთრი პროტესტი გამოხატა ამ მიუღებელი დარღვევების წინააღმდეგ და ხაზგასმით აღნიშნა, რომ მსგავსი შემთხვევები სერიოზულ საფრთხეს წარმოადგენს ეროვნული უსაფრთხოებისა და მოლდოვის რესპუბლიკის მოქალაქეებისთვის. რუს დიპლომატს აცნობეს, რომ მსგავსი მოქმედებები არის ეროვნული სუვერენიტეტის დარღვევა და წარმოადგენს მორიგ არამეგობრულ ჟესტს რუსეთის ფედერაციის მხრიდან", - ნათქვამია მოლდოვის საგარეო საქმეთა სამინისტროს ცნობაში. გავრცელებული ინფორმაციით, ელჩს უპილოტო საფრენი მოწყობილობების ნამსხვრევები აჩვენეს.
ჯერჯერობით არ ყოფილა მოსკოვის რეაქცია მოლდოვური მხარის გადაწყვეტილებაზე.
ამ თვის დასაწყისში ცნობილი გახდა, რომ ბაქოში დახურეს „რუსული სახლი". აზერბაიჯანის ხელისუფლებამ "როსსოტრუდნიჩესტვოს" წარმომადგენლობის წინააღმდეგ სამართლებრივი პრეტენზიის შესახებ განაცხადა. ბაქოსა და მოსკოვს შორის ურთიერთობა გაუარესდა 2024 წლის დეკემბერში, აქთაუს მახლობლად "აზერბაიჯანის ავიახაზების" თვითმფრინავის ჩამოვარდნის შემდეგ.