ლევან იოსელიანი: პერსონალური ინფორმაცია არ გამივრცელებია, აჟიოტაჟი ხელოვნურად ატეხეს

საქართველოს სახალხო დამცველმა ლევან იოსელიანმა მის მისამართით კრიტიკას საზოგადოებრივ მაუწყებელზე „აბსოლუტურად ხელოვნურად ატეხილი“ აჟიოტაჟი უწოდა. ომბუდსმენს ადანაშაულებენ, რომ მან მანამდე პირველი არხის ეთერში გათქვა ძალადობის მსხვერპლთა თავშესაფრის მისამართი. უფლებადამცველები აცხადებენ, რომ საიდუმლო მისამართის გამჟღავნება საფრთხეს უქმნის ძალადობის მსხვერპლებს.


"თითქოს ვიღაცის პერსონალური ინფორმაცია გავავრცელე, ასეთ რამეს ადგილი არ ჰქონია. დანარჩენი ინტერპრეტაციის საკითხია. ყველას ინტერპრეტაციას პასუხს ვერ გავცემ. არანაირი ადგილმდებარეობა ჩემს მიერ გავრცელებული არ ყოფილა. ეს აჟიოტაჟი აბსოლუტურად ხელოვნურადაა ატეხილი", - განაცხადა ლევან იოსელიანმა.


საზოგადოებრივმა მაუწყებელმა ინტერვიუ, წამების მსხვერპლთა თავშესაფრის ლოკაციის ფარულობის შესაძლო დარღვევის გამო, ციფრული პლატფორმებიდან წაშალა.